сауытты танк техникасын пайдалану

(Эксплуатация бронетанковой техники)

әскери дайындық жоспарына, пайдаланудың жылдық мөлшеріне, жөндеу аралығындағы мерзімге сәйкес бөлімде ұйымдастырылатын машиналарды дұрыс пайдалану мен қызмет көрсету. Машиналарға жоспар бойынша экипаж бекітіліп, тиісті құжат-тармен ресімделген соң іске қосылып, пайдалануға беріледі. С.т.т.п. — тікелей мақсатқа сәйкес, техникалық меже мен кез келген жағдайда машинаның дұрыс жұмысын қамтамасыз ететін ережелерді ұстану. С.т.т.п-дың есепке алу мен өлшеу бірлігі — қозғалтқыштың мотосағаттық жұмысы немесе машинаның жүрген шақырымы. Ұрыс қимылдары жағдайында С.т.т.п. межесі белгіленбейді, машиналар ұрыс міндеттерінің сипатына, жағдайға және командир бұйрығына байланысты пайдаланылады. Барлық дәрежедегі командирлер С.т.т.п-ды ұдайы бақылап отыруға міндетті.